Header Ads

ගුරුවරියකට අයුතු යෝජනාවක්‌ කළ දාහත් හැවිරිදි සිසුවා

බඩල්කුඹුර අධ්‍යාපන කොට්‌ඨාසයට අයත් ප්‍රසිද්ධ පාසලක 34 හැවිරිදි ගුරුවරියකට ඇගෙන් ඉගෙනුම ලබන සිසුවකු විසින් දුරකථනයෙන් කළ ලිංගික හිංසනයක්‌ සම්බන්ධයෙන් බඩල්කුඹුර පොලිසිය විසින් 17 හැවිරිදි සිසුවෙක්‌ අත්අඩංගුවට ගෙන ඇත.

අත්අඩංගුවට ගත් සිසුවා එම පාසලේ 11 ශ්‍රේණියේ ඉගෙනුම ලබන අතර 34 හැවිරිදි ගුරුවරියට දුරකථනයෙන් කළ අයුතු ලිංගික යෝජනාව පිළිබඳ එම ගුරුවරිය බඩල්කුඹුර පොලිසියට කළ පැමිණිල්ලකට අනුව සිද්ධියට සම්බන්ධ සිසුවා අත්අඩංගුවට ගෙන ඇත.

මෙසේ අත්අඩංගුවට පත්වී ඇත්තේ බඩල්කුඹුර කරවිල ප්‍රදේශයේ පදිංචි වයස අවු( 17 ක පාසල් සිසුවෙකි. අත්අඩංගුවට ගත් සිසුවා අද මොනරාගල මහෙස්‌ත්‍රාත් අධිකරණයට ඉදිරිපත් කිරීමට නියමිතව ඇත. සිද්ධිය සම්බන්ධව වැඩිදුර පරීක්‍ෂණ මොනරාගල කොට්‌ඨාස භාර පොලිස්‌ අධිකාරි ලයනල් ගුණතිලක මහතාගේ උපදෙස්‌ පරිදි බඩල්කුඹුර පොලිස්‌ ස්‌ථානාධිපති පො. ප. තිලක්‌ රත්නායක මහතා ඇතුළු නිලධාරීන් සිදු කරයි.

No comments

Powered by Blogger.