Header Ads

මාලක සිල්වාට නයිට් ක්ලබ් තහනම්

බම්බලපිටියේ පිහිටි රිදම් ඇන්ඩ් බ්ලූස් (අර්ඕ) රාත්‍රි සමාජ ශාලාවේදී බි්‍රතාන්‍ය ජාතික යුවළකට පහරදීමේ සිද්ධියට අදාළ නඩුව අවසන් වන තෙක් ඇමැති මර්වින් සිල්වා මහතාගේ පුත් සැකකාර මාලක සිල්වාට රාත්‍රි සමාජ ශාලාවලට ඇතුළුවීම කොළඹ අතිරේක මහෙස්ත්‍රාත් මොහොමඩ් සහබ්දීන් මහතා තහනම් කෙළේය.

බි්‍රතාන්‍ය ජාතික යුවළට පහරදී තුවාල සිදු කිරීම සම්බන්ධයෙන් අත්අඩංගුවට ගෙන දින 27ක් රිමාන්ඩ් භාරයේ සිටි මාලක සිල්වා ඇතුළු සැකකරුවන් 7 දෙනකු ඇප මත මුදා හරිමින් අතිරේක මහෙස්ත්‍රාත්වරයා එම නියෝගය කෙළේය. සැකකාර මාලක සිල්වා රුපියල් 50,000ක මුදල් ඇප සහ රුපියල් ලක්ෂ 5 බැගින් ශරීර ඇප 2ක් මත මුදා හරින ලෙස නියම කළ අතිරේක මහෙස්ත්‍රාත්වරයා, ඇපකරුවන් වශයෙන් සැකකරුගේ පියා වන ඇමැති මර්වින් සිල්වා සහ ඔහුගේ බිරිය ඉදිරිපත් කරන ලෙසද නියෝග කෙළේය.


මින් ඉදිරියට මහජනයා බියවද්දන ආකාරයේ හැසිරීම්වලින් වළකින ලෙසද අතිරේක මහෙස්ත්‍රාත්වරයා සැකකාර මාලක සිල්වාට අවවාද කෙළේය.
යම්කිසි ආකාරයකින් මේ නඩුවේ සාක්ෂිකාර බි්‍රතාන්‍ය ජාතික යුවළට හෝ සාක්ෂිකරුවන්ට තර්ජනයක් හෝ බලපෑමක් සිදුවන ආකාරයට කටයුතු කළහොත් තරාතිරම නොබලා සැකකරුවන් නඩුව අවසන් වන තුරු රිමාන්ඩ් භාරයේ තබන බවද අතිරේක මහෙස්ත්‍රාත්වරයා අවධාරණය කෙළේය. සැකකරුවන් හඳුනා ගැනීම වෙනුවෙන් අතිරේක මහෙස්ත්‍රාත් මොහොමඩ් සහබ්දීන් මහතා හමුවේ පැවැති පෙරෙට්ටුවට සාක්ෂිකාර බි්‍රතාන්‍ය ජාතික යුවළ ඉදිරිපත් වී සිටි අතර එහිදී ඔවුන් මාලක සිල්වා හඳුනාගත්තද අනෙකුත් සැකකරුවන් හඳුනාගැනීමට සාක්ෂිකරුවෝ අපොහොසත් වූහ.

No comments

Powered by Blogger.